كاتو التمر

السلام عليكم سيد الشوارع ^^

رجعت لمطبخك ولسبب من الاسباب

لما للتمر من فوائد حبيت أعملك كاتو بالتمر لحتى نقلل كمية السكر في الكاتو ونخفف من أضرار السكر عصحتك

لنو السكر اللي بالتمر سهل الهضم وغير مضر بالصحة

ولو لعيونك يا أحلى شارع

الحاصل

نضع تمر مطحون بلا بذر مع نصف كأس ماء وشوية زنجبيل وشوية قرفة ونغليه مع التقليب لحتى يصير التمر طري

بنخفق 3 بيضات مع رشة ملح وعصرة ليمون وملعقة فانيلا حسب الرغبة عالخلاط أو الخفاق الكهربائي

وبنتركهن 10 دقايق  بعد الخفق

بعدها بنحط مع البيض تلت كاسة زيت أو زبدة وتلت أو أقل كاسة سكر حسب الرغبة

وبنخفقهن وبعدين بنضيف ملعقة قشطة وبنخفق

بنضيف التمر ملعقة ملعقة وبنخفق لحتى يختلط بشكل جيد

بعدين بنصب الخليط بوعاء

بننخل كاسة وربع دقيق مع ملعقة صغيرة وربع أو ملعقتين باكينغ بودر

وبنضيفهن ملعة ملعة مع الخفق بالخفاق اليدوي بعد كل ملعقة

آخر الشي بنضيف الزبيب (الكشمش) وبنحرك ليتوزع بشكل جيد

بندهن قالب بالزبدة وبنصب الخليط فيه وبنحطو بالفرن

أول عشر دقايق يكون الفرن حامي وبعدها بنخفض حرارة الفرن عالأخير

وبنتركو أربعين دقيقة أو أقل عحسب الفرن

وبندخل سكين بنص القالب لنشوف إذا نضج منيح ولا لسى بيحتاج نضج وصحة وأل هنا عألبك يا شارعنا المميز